දෙව්පුර තතු
දෙවිනුවර කොට්ඨාසය තුළ සැතපුම් තුනහමාරක් පමණ දුර විහිදෙන අලංකාර මුහුදු තීරයක් ඇති අතර එහි බොකු,කළපු,තුඩු වැනි වෙරළබඩ භූ ලක්ෂණ වලින් හෙබි මුහුදු තීරයේ දක්නට ඇත.අඩි සියයක පමණ උසින් යුතු ලංකාවේ උසම ප්රදීපස්ථම්බය පිහිටියේද දෙවිනුවරමය.බැතිමතුන්ගේ ගෞරවාදරයට පාත්රවන දෙවිනුවර ශ්රී විශ්ණු දේවාලයද වාර්ෂිකව එහි පවත්වනු ලබන දර්ශණීය ඇසළ පෙරහැරද දෙස් විදෙස් ජනතාව දෙවිනුවරට ළගා කරවීමට හේතු වී ඇත.ලංකාවේ උසම හිටි පිළිමයද දෙවිනුවර පූජා භූමිය තුළ පිහිටීම දෙවිනුවරට සංචාරකයින් ළගාවීමට හේතු සාධක වේ.
අතීතයේ ඉබන් බතූතා වැනි සංචාරකයින්ද දෙවිනුවරට ලගාවී ඇති බව ජනප්රවාදයේ සදහන් වේ. එසේම දර්ශණීයත්වය සලකන විට මුළු ලෝකයේම හිරු උදාව සහ බැසීම ඉතාමත් සුන්දර ලෙස නැරඹිය හැකි ස්ථාන දෙකෙන් එකක් වනුයේ දෙවිනුවර තුඩුව ආසන්න වෙරළ තීරයයි.මෙම නිසා සංචාරක කර්මාන්තය නගාසිටුවිය හැකි පසුබිමක් දෙවිනුවර කොට්ඨාසය තුළ ඇත.නමුත් සංචාරක හෝටල් දෙක තුනකට සීමා වී තිබීම හෝ සංචාරක නිකේතනයක් මෙම කොට්ඨාසයේ නොතිබීම විශාල අඩුපාඩුවකි.
|
ග්රාම නිලධාරී වසම |
ස්ථානය |
|
දෙවිනුවර වෙලේගොඩ |
පුරාණවැල්ල ධීවර වරාය |
|
ප්රදීපාගාර පෙදෙස |
§ කිරළවැල්ල ධීවර තොටුපල § හුම්මාන වෙරළ තීරයේ ඇති කොරල්පරය |
|
වල්බුළුගහහේන |
තඹගල දොළ |
|
තලල්ල |
තලල්ල වෙරළ තීරය |
|
නාඔටුන්න දකුණ |
§ නාඔටුන්න දකුණ වෙරළ තීරය § සීතගල්ල කඳු මුදුන |
|
තලල්ල දකුණ |
තලල්ල දකුණ වෙරළ තීරය |
|
කඩවැද්දුව නැගෙනහිර |
ඉදුරවත්ත රක්ෂිතය හා පීල්ල ආර |
|
කපුගම මධ්යම |
බිබුල ජල උල්පත |
|
දෙවිනුවර දකුණ |
§ ප්රදීපාගාරය § ඓතිහාසික වටිනාකමක් ඇති ගල්පරයක් ඇත |
|
ගන්දර බබටහිර |
නූන්නවැල්ල වෙරළ තීරය |
|
දෙවිනුවර |
දෙවිනුවර ශ්රී උත්පල වණ්ණ ශ්රී විෂ්ණු දේවාලය |
දෙවිනුවර අවට ඇති සිත්ගත් ස්ථාන
ශ්රී ලංකාව තුල ඇති ප්රදීපාගාර අතරින් උසම හා ගොඩබිම මත පිහිටි එකම ප්රදීපාගාරය දෙවිනුවර ප්රදීපාගාරයයි. දෙවිනුවර නරගරය පසුකර යන දේශිය හා විදේශීය සංචාරකයින් මෙම ප්රදීපාගාරය හා ඒ අවට සිරි නැරඹීමට අමතක නොකරති. දෙවිනුවර ප්රදීපාගාරය අවට පිහිටි මුහුදු තීරය මනරම් මසුන්ගෙන් ගහන අතර මෙහි පැමිණෙන්නන් මුහුදේ ස්නානය සඳහා බොහෝ සේ ඇළුම් කරති.
