දෙවිනුවර ප්‍රාදේශීය ලේකම් කාර්යාලයට පැමිණෙන්නේ කෙසේද?

• මාතර නගරයට පැමිණ දෙවිනුවර හරහා දික්වැල්ල බසයෙන් හෝ ගන්දර ,තංගල්ල බසයකින් පැමිණ දෙවිනුවර ඉන්ධන පිරවුම්හල අසල බස් නැවතුමෙන් බැස පිරවුම්හල අසලින් ඉහලය ඇති පාරේ මීටර් 100 ක් පමණ ඉදිරියට පැමිණෙන්න . නැතහොත් තංගල්ල ,දික්වැල්ල දෙසින් පැමිණෙන්නේනන්  දෙවිනුවර ඉන්ධන පිරවුම්හල අසල බස් නැවතුමෙන් බසින්න .

ග්‍රාම නිලධාරි වසම් අංක පිළිබඳ විමසීම

• මෙම කොට්ඨාශයේ ග්‍රාම නිලධාරී වසම් 41 සඳහා අදාල ග්‍රාම නිලධාරී අංක සඳහා පහත සබැඳියාව මත ක්ලික් කරන්න .

ග්‍රාම නිලධාරී වසම් අංක

ව්‍යාපාර නාම ලියාපදිංචි කිරීමේදී අයිතිකරු පැමිණිය යුතුද?

• මේ සදහා අදාල ව්‍යාපාරයේ හිමිකරු පැමිණීම අනිවාර්ය වන අතර ජාතික හැදුනුම්පතද රැගෙන ආ යුතුය.

ව්‍යාපාර නාම ලියාපදිංචි කිරීම සඳහා මුණ ගැසිය යුතු නිලධාරියා කවුද ?

• රාජ්‍ය කළමනාකරණ සහකාර රතිකා ප්‍රියංගනී මිය ( දුරකථන අංක 041 2220113 මගින් ද ඇමතිය හැකිය) .
• ව්‍යාපාර නාම ලියාදිංචි කිරීම සඳහා වූ ඉල්ලුම් පත්‍රය භාගත කර ගැනීම සඳහා මෙහි ක්ලික් කරන්න. Click here

දැව ප්‍රවාහන අයඳුම්පතක් හෝ ගස් කැපීමේ බලපත්‍රයක් ලබා ගැනීමට හෝ ඒ පිළිබඳ විස්තර සඳහා මුණ ගැසිය යුතු නිලධාරියා කවුද ?

• රාජ්‍ය කළමනාකරණ සහකාර ජී.එම්. මධූෂා මිය ( දුරකථන අංක 041 2220113 මගින් ද ඇමතිය හැකිය) . අදාල අයඳුම්පත් භාගත කර ගැනීම සඳහා මෙහි ක්ලික් කරන්න . Click here (ගස් කැපීමේ අයඳුම්පත)      Click here (දැව ප්‍රවාහන අයඳුම්පත 1 කොටස)          Click here (දැව ප්‍රවාහන අයඳුම්පත 2 කොටස)

Impotant Codes

• Postal Code - 81160
• Department of Motor Traffic - 3202
• Ministry of Public Administration - 3245

මරණයට පත් තැනැත්තෙකුගේ බැංකු ගත මුදල් හා උකස් තබන ලද භාණ්ඩ සම්බන්ධ කටයුතු කිරීමේදී රැගෙන ආයුතු ලේඛන මොනවාද?

• මියගිය තැනැත්තාගේ මරණ සහතිකය
• අයදුම්කරුට ඇති නෑකමට අදාල ලේඛන (උප්පැන්න සහතික, විවාහ සහතික)
• වෙනත් සාමාජිකයන් සිටී නම් අයදුම්කරුට මුදල් හෝ භාණ්ඩ ලබා දීමට ඔවුන්ගේ විරෝධතාවයක් නොමැති බව දිවුරුම් ප්‍රකාශන
• ජාතික හැදුනුම්පත.

ගර්භණී මව්වරුන්ට ලබා දෙන රු. 20,000/= පෝෂණ දීමනාව ලබා ගන්නේ කෙසේද?

• ගැබ් ගෙන මාස 3ක් ඉක්මවීමට පෙර ඔබ සහභාගී වූ මාතෘ සායනය අයත් ප්‍රාදේශීය ලේකම් කාර්යාලයේ මුල් ළමාවිය සංවර්ධන නිලධාරී හෝ මෙම වැඩසටහන ක්‍රියාත්මක කරන නිලධාරියාගෙන් අයදුම්පතක් ලබා ගත හැකිය.

අධ්‍යාපන ආධාර ලබා ගත හැකි අය කවුරුන්ද?

• දරුවන්ගේ පියා මියගොස් ඇති හෝ සුව කළ නොහැකි ආබාධයකින් පෙළේ නම් පාසැල් යන දරුවන්ට ශිෂ්‍යාධාර ලබා ගත හැකිය.

රාජ්‍ය නොවන සංවිධානයක් ලියාපදිංචි කරන්නේ කෙසේද?

• ආරම්භ කර වසරක් ඉක්ම වූ රාජ්‍ය නොවන සංවිධාන ලියකියවිලි ලබා දීමෙන් පසුව ලියාපදිංචි කරනු ලබයි.

සමෘද්ධි ප්‍රතිලාභය අලුතින් ලබා ගත හැකිද?

• දැනට නව ප්‍රතිලාභීන් තෝරා නොගන්නා අතර ඉදිරියේදී සලකා බැලීම සදහා අභියාචනා භාර ගනු ලැබේ.

වැඩිහිටි ආධාර ලබා ගැනීමට අවශ්‍ය සුදුසුකම් මොනවාද?

• ඉල්ලුම් කරන දිනට වයස අවුරුදු 70ට වැඩි
• පවුලේ ආදායම මාසයකට රු. 3000ක් හෝ ඊට අඩු නම්

ස්වාමිපුරුෂයා හෝ බිරිඳ යන අයගෙන් එක් අයකුට මේ සඳහා ඉල්ලුම් කළ හැකිය.

උප්පැන්න හෝ විවාහ හෝ මරණ සහතිකයේ පිටපත් ලබා ගන්නේ කෙසේද?

• උප්පැන්න හෝ විවාහ හෝ මරණ සහතිකයේ අංකය හා දිනය දන්නේ නම් රුපියල් 100ක්ද,
• උප්පැන්න හෝ විවාහ හෝ මරණ සහතිකයේ අංකය හා දිනය නොදන්නේ නම් රුපියල් 200ක්ද ප්‍රාදේශීය ලේකම් කාර්යාලයට ගෙවා සහතික පත් ලබා ගත හැකිය.
• මෙහිදී කොළඹ දිස්ත්‍රික්කයේ සිදු වූ උපතක් හෝ විවාහයක් හෝ මරණයක් නම් පමණක් කොළඹ ප්‍රාදේශීය ලේකම් කාර්යාලයෙන් අදාල සහතිකපත් ලබා ගත හැකිය.

උපත් ලියාපදිංචි කරන්නේ කෙසේද?

• සාමාන්‍ය උපතක් ලියාපදිංචි කිරීම සඳහා උපත සිදු වී මාස තුනකට කලින් අදාළ කොට්ධාශයේ උප්පැන්න ලියාපදිංචි කිරිමේ රෙජිස්ට්‍රාර්වරයකු මුණ ගැසී උපත ලියාපදිංචි කර ගත යුතුය.
• මාස තුනක් පසුවූ උප්පැන්න ලියාපදිංචි කිරීම සඳහා අතිරේක දිස්තික් රෙජිස්ට්‍රාර් මුණ ගැසී අදාළ තොරතුරු ලබා ගන්න.

උප්පැන්න සහතිකයේ සංශෝධන කටයුතු සිදු කරන්නේ කෙසේද?

• අදාළ ලියකියවිලි රැගෙන අතිරේක දිස්ත්‍රික් රෙජිස්ට්‍රාර් මුණගැසෙන්න.

සිවිල් විශ්‍රාමිකයා මිය ගිය පසු වැන්දඹු අනත්දරු විශ්‍රාම වැටුප සාදා ගන්නේ කෙසේද?

• පළමුව විශ්‍රාමිකයාගේ මරණ සහතිකය ලබා ගෙන විශ්‍රාම වැටුප නතර කිරීම.
• වැඩිපුර මුදලක් තිබේ නම් එය ගෙන්වා ගැනීමට බැංකුවට ලිපි දැමීම.
• පසුව අදාල පුද්ගලයා පහත සඳහන් ලිපි ලේඛන රැගෙන එන ලෙස දැනුම් දීම.
  • විශ්‍රාමිකයාගේ මරණ සහතිකයේ මුල් පිටපත
  • වැන්දඹුවගේ උප්පැන්න සහතිකයේ මුල් පිටපත
  • විවාහ සහතිකයේ මුල් පිටපත
  • වැන්දඹුවගේ බැංකු පොතේ ඡායා පිටපතක්
  • වැන්දඹුවගේ හැදුනුම්පතේ ඡායා පිටපතක්
  • වැන්දඹු අනත්දරු කාඩ්පතේ ඡායා පිටපතක් හෝ වැන්දඹු අනත්දරු අංකය
  • ග්‍රාම නිලධාරි විසින් සහතික කරන ලද පාස්පෝට් ප්‍රමාණයේ වර්ණ ජායාරූපයක්
  • ඉහත ලියවිලිවල ඡායාපිටපත් සියල්ල ග්‍රාම නිලධාරී විසින් සහතික කල යුතුය.
• අනතුරුව ඔවුන් අදාල තොරතුරු ලබා දුන් පසු ලිපිගොනුව රැගෙන වැන්දඹු අනත්දරු විශ්‍රාම වැටුප සෑදීමට අවශ්‍ය කටයුතු කිරීම.

විශ්‍රාමිකයින්ගේ විශ්‍රාම වැටුප නතර කර ඇත්තේ ඇයි?

• අදාල වර්ෂය සඳහා ජීවිත සහතිකය ලබා නොදීම නිසා විශ්‍රාම වැටුප නතර කිරීම.
• විශ්‍රාමිකයා පැමිණි පසු ජීවිත සහතිකය ලබා දීම හා ග්‍රාම නිලධාරී මහතා ලවා සහතික කර රැගෙන එන ලෙස පැවසීම.
• පසුව නැවත ජීවිත සහතිකය භාර දුන් පසු විශ්‍රාම වැටුප යාවත්කාලීන කිරීම.

වැන්දඹුව මියගිය පසු විශ්‍රාම වැටුප උරුමකරුවන්ට ගෙවන්නේ නැත්තේ ඇයි?

• වැන්දඹු අනත්දරු විශ්‍රාම වැටුප් පනතට අනුව වැන්දඹු අනත්දරු විශ්‍රාම වැටුප් මුදලට හිමිකම් ලැබූ පුද්ගලයෙක් මිය ගිය පසු එකී පුද්ගලයාට හිමි විය යුතු වැටුපක් හෝ හිඟ මුදලක් ඇත්නම් එම මුදල් ඔවුන්ගේ උරුමකරුවන් වෙත ගෙවීම සඳහා නෛතික ප්‍රතිපාදන නොමැති බව පහදා දීම.

වාහන ආදායම් බලපත්‍ර ලබා ගැනීමට අවශ්‍ය කරණ ලිපි ලේඛණ මොනවාද ?

(සියළුම වාහන වර්ග සදහා)
වාහනයේ ලියාපදිංචි සහතිකය හෝ එහි සහතික කල පිටපත (CR)
දැනට භාවිතා කරන ආදායම් බලපත්‍රය
වලංගු රක්ෂණ සහතිකය
නව දුම් වාර්තාව

මීට අමතරව ලොරි , මගී ප්‍රවාහන බස් රථ, බඩු පටවන වාහන ආඳිය සඳහා පහත ලේඛණ අවශ්‍ය වේ .
බලයලත් ගරාජකින් නිකුත් කරන ලද තත්ව පරීක්ෂණ වාර්තාව (Fitnesss Cetrtificate).

බස්රථ සඳහා මගී ප්‍රවාහන අවසර පත්‍රය

සංචාරක ආකර්ෂණය පවතින ස්ථාන